وەزارەتی سامانە سرووشتییەکان: زیان بە کێڵگەی نەوتی خورمەڵە گەیشتووە

ئاڤا نیوز


وەزارەتی سامانە سروشتییەکان ڕایدەگەیەنێت هێرشەکەی سەر کێڵگەی نەوتی خورمەڵە تەنیا زیانی بە بۆڕییەکانی ئاوی وێستگەکە گەیاندووە.

چیرۆکی سەرەکی: كاتژمێر (8:30) خولەکی ئەمشەو دووشەممە 14-7-2025، بە دوو درۆن هێرش كراوەتە سەر دوو بەشی جیای كێڵگەی پاڵاوتنی نەوتی خوڕمەڵە كە بریتین لە sps1 و وێستگەی ئاوی sps2، زیانی دارایی هەبووە.

ڕاگەیێنراوی فەرمی: وەزارەتی سامانە سروشتییەکان ڕایدەگەیەنێت: ئێوارەی رۆژی دووشەممە (14)ی تەمووزی 2025 لە كاتژمێر 8:20 و 8:25 لە ڕێگەی دوو درۆنی بۆمبڕێژكراو هێرش كرایە سەر كێڵگەی نەوتی خۆرمەڵە لە پارێزگای هەولێر.

- هێرشەکە هیچ زیانێكی گیانی نەبووە و تەنیا زیانی بە بۆڕییەکانی ئاوی وێستگەکە گەیاندووە،  وەزارەتی سامانە سروشتییەكان ئەم جۆرە هێرشانە بۆ سەر ژێرخانی ئابووریی هەرێمی کوردستان شەرمەزار دەکات.