وێنەیەکی نوێی نووری مالیکی دوای دەرچوونی لە نەخۆشخانە بڵاو کرایەوە

ئاڤا نیوز

 

دوای ئەوەی لە چەند میدیا و تۆڕێکی کۆمەڵایەتی هەواڵی تێکچوونی باری تەندروستیی نووری مالیکی، سەرۆکی هاوپەیمانیی دەوڵەتی یاسا بڵاو کرایەوە، نووسینگەکەی بە بڵاوکردنەوەی وێنە و ڕاگەیەندراوێکی فەرمی وەڵامی ئەو دەنگۆیانەی دایەوە.

 

چیرۆکی سەرەکی: ئەمڕۆ سێشەممە، ڕێککەوتی 29ـی 7ـی 2025، دەنگۆی ئەوەی بڵاو کرایەوە کە نووری مالیکی، جێگری سەرۆکوەزیرانی عێراق و سەرۆکی هاوپەیمانیی دەوڵەتی یاسا، تووشی کێشەیەکی تەندروستیی لەناکاو بووە و بە پەلە گواستراوەتەوە بۆ نەخۆشخانەی "ئیبن بیتار" بەمەبەستی ئەنجامدانی نەشتەرگەری.

لێدوانی فەرمی: نووسینگەی ڕاگەیاندنی نووری مالیکی ڕایگەیاند،  سەرۆکی هاوپەیمانیی دەوڵەتی یاسا پێشوازیی لە عەباس علێیاوی، وەزیری کشتوکاڵی عێراق کردووە.

 

بەپێی ڕاگەیەندراوەکە، سەردانەکەی وەزیری کشتوکاڵ بەمەبەستی دڵنیابوون بووە لە تەندروستیی مالیکی، دوای ئەوەی ناوبراو بەیانیی هەمان ڕۆژ "پشکنینی پزیشکیی  ئاسایی ئەنجام دابوو." مالیکی سوپاسی وەزیری کشتوکاڵی کردووە بۆ ئەو "دەستپێشخەرییە برایانەیە".