نرخی نەوت 90 دۆلاری تێپەڕاند

ئاڤا نیوز

 

بەهۆی پەرەسەندنی گرژییەکان لە ڕۆژهەڵاتی ناوەڕاست و ئەگەری هێرشی ئێران بۆ سەر ئیسرائیل، نرخی نەوت بەڕێژەی 2% بەرزبوونەوەی بەخۆیەوە بینی.

چیرۆکی سەرەکی: نرخی نەوتی خاوی برێنت بە ڕێژەی 2.19 دۆلار بەرزبووەوە، گەیشتووەتە 91 دۆلار و 93 سەنت، هاوکات نرخی نەوتی خاوی ئەمریکیش بە 2.42 دۆلار بەرزبووەتەوە،  گەیشتووەتە 87 دۆلار و 44 سەنت.

ئەوەی پێویستە بیزانیت: دوێنێ پێنجشەممە، بەرمیلێک نەوتی برێنت بە 89 دۆلار و 74 سەنت مامەڵەی پێوەکرابوو.

کاریگەری و لێکەوتەکانی: هێرشە چاوەڕوانکراوەکەی ئێران بۆ وەڵامی هێرشەکەی دوو هەفتە لەمەوبەری ئیسرائیل بۆ سەر کونسوڵخانەكەیان لە دیمەشق، بەتەواوی ناسەقامگیری لە نرخی نەوت درووست کردووە.