‎وەزیری بەرگریی توركیا پەیامی بۆ یەكێتی هەیە

ئاڤا نیوز

‎یەشار گولەر، وەزیری بەرگریی تورکیا پەیامێک بۆ یەکێتی دەنێرێت و دەڵێت "خۆتان لە پەکەکە ڕزگارکەن، ئێمەش بۆ ئەوە هاوکاریتان دەکەین". 

 

‎چیرۆکی سەرەکی: یەشار گولەر، وەزیری بەرگریی تورکیا، لە چاوپێکەوتنێکدا باس لە سەردانەکەی ڕەجەب تەیب ئەردۆغان، سەرۆککۆماری تورکیا بۆ عێراق دەکات.

 

لێدوانی فەرمی: گولەر دەڵێت: ئێمە هەمیشە بە یەکێتی و ئیدارەی سلێمانی دەڵێین، “واز لەم شتانە بێنن، ئەگەر دەتانەوێت بە ئارامی بژین، خۆتان لەم ڕێکخراوە تیرۆریستییە ڕزگار بکەن، با ئێمەش بۆ ئەم کارە هاوکاریتان بکەین”.

 

زانیاریی زیاتر: "بۆ ئەو لایەنانەی هاوکاری پەکەکە دەکەن با بڵێن هاوکاریان دەکەین، یاری بە عەقڵی ئێمە مەکەن، ئەمریکا هاوکاری یەپەگە دەکات و بە پەکەکەی نازانێت بۆ ئەمەش تورکیا نیگەرانە".یەشار گولەر وای گوت.

 

ئەوەی پێویستە بیزانیت: گولەر دەڵێت "گەریلاکانی پەکەکە لەکاتی بۆردوومانەکانی تورکیا بەرەو ئێران هەڵدێن و ئێران داڵدەیان دەدات". 

 

وێنە گەورەکە: 800 گوندی هەرێمی کوردستان بەهۆی پەکەکە و بۆردوومانەکانی تورکیا چۆڵ کراوە.