عێراق قەرەبووی جووتیارە زیانلێكەوتووەكان دەكاتەوە و كوردستانیش دەگرێتەوە

ئاڤا نیوز  

 

وەزارەتی کشتوکاڵی عێراق ڕایدەگەیێنێت، قەرەبووی هەموو ئەو جووتیارانە دەکرێتەوە کە بەروبوومەکانیان بەهۆی لافاو و باران و تەرزەوە زیانی بەرکەوتووە، بڕیارەكە هەرێمی كوردستانیش دەگرێتەوە. 

 

لێدوانی فەرمی: محەممەد خوزاعی، گوتەبێژی وەزارەتی کشتوکاڵی عێراق بە ئاڤا نیوزی ڕاگەیاند: باران و لافاوی ئەم دواییە لە هەندێک ناوچە زیانی بەدوای خۆیدا هێنا، بە تایبەت لەو شوێنانەی کە تەرزەی لێ باری. بۆ ئەو مەبەستەش سەرۆکوەزیران بڕیاری داوە قەرەبووی ئەو جووتیارانە بکرێتەوە کە بیسەلمێنێت زەوییە داچێنراوەکانیان یاخود بەروبوومەکانیان زیانی بەرکەوتووە.

 

زانیاریی بەدەستهاتوو: بەپێی بڕیارەكە قەرەبووەکە جووتیارانی کوردستانیش دەگرێتەوە.

کاریگەریی و لێکەوتەکان: گوتەبێژی وەزارەتی کشتوکاڵ ئاماژە بەوە دەکات، بە گشتی ئەگەر بەرهەمی گەنم لە هەموو پارێزگاکانی عێراق هەژمار بکەین، ئەوەی زیانی بەرکەتووە ڕێژەیەکی کەمە و کاریگەری لەسەر کۆی بەرهەمی ناوخۆ نابێت بۆ ئەو وەرزە.