پارتی تەقەدووم مەحموود مەشهەدانی بۆ پۆستی سەرۆکی پەرلەمان پەسند دەکات

ئاڤا نیوز

 

سەرکردەیەک لە هاوپەیمانیی عەزم ڕایدەگەیێنێت، پارتی تەقەدووم مەحموود مەشهەدانی پەسند دەکات بۆ ئەوەی وەک سەرۆکی پەرلەمان دەنگی لەسەر بدرێت.

 

لێدوانی فەرمی: حەیدەر مولا، سەرکردە لە هاوپەیمانیی عەزم ڕایگەیاند: "لەسەر هێزەکانی چوارچێوەی شیعەیە یەکێک لە بەربژێرەکان هەڵبژێرن، ئەگەر ڕژدن لە چارەسەرکردنی پرسی هەڵبژاردنی سەرۆکی پەرلەمان، بەتایبەتی دوای ئەوەی هێزە سیاسییە سوننەکان نەیانتوانی لەسەر بەربژێرێک بۆ سەرۆکایەتیی پەرلەمان ڕێک بکەون".

 

زانیاریی زیاتر: حەیدەر مولا، ئاماژە بەوە دەکات، ئێستا کێبڕکێ لەنێوان مەحموود مەشهەدانی و سالم عیساوی ماوەتەوە بۆ بەدەستهێنانی پۆستی سەرۆکایەتیی پەرلەمان لەدوای کشانەوەی بەربژێری پارتی تەقەدووم، شەعلان کرەیم".

 

لەلایەکی دیکە: ئەو سەرکردەیەی هاوپەیمانی عەزم ئاماژە بۆ ئەوەش دەکات، "هەموارکردنەوەی پەیڕەوی ناوخۆی پەرلەمان بە مەبەستی هەڵبژاردنی بەربژێرێک بۆ سەرۆکایەتی پەرلەمان لە پارتی تەقەدووم، ئیتر ئەوەش ڕێی تێناچێت، بۆیە دوای داخرانی هەموو دەرگاکان بە ڕوویان، پارتی تەقەدووم مەشهەدانی بۆ ئەو پۆستە پەسند دەکات".