گرووپێکی چەکداریی عێراقی بۆردوومانکردنی بنکەیەکی ئیسرائیل لە ئەستۆ دەگرێت

ئاڤا نیوز

 

"بەرەی مقاوەمەی ئیسلامی" لە عێراق بەرپرسیاریەتیی بۆردوومانکردنی بنکەی ئاسمانیی ڕامۆنی ئیسرائیلی لە خاکی فەڵەستین لە ئەستۆ گرت.

 

وێنە گەورەکە: دوای هەڵگیرسانی شەڕ لە نێوان ئیسرائیل و حەماس، چەندین گرووپی نزیک لە ئێران هێرش دەکەنەسەر ئیسرائیل و بەرژەوەندییەکانی ئەمریکا و وڵاتانی ڕۆژئاوا لە کەنداوی عەرەب و دەریای سوور.

 

ڕاگەیێنراوی فەرمی: گرووپی مقاوەمەی ئیسلامی لە عێراق ڕایگەیاند: ئەمڕۆ شەممە 11-5-2024 "موجاهیدەکانی مەقاوەمەی ئیسلامی لە عێراق، بنکەی ئاسمانی ڕامۆنیان لە خاکی فەلەستین بە مووشەکی کروز کردە ئامانج."

 

زانیاریی زیاتر: گرووپە چەکدارەکەی عێراق ئاماژە بەوە دەدات، ئەو هێرشانەیان بۆ سەر بنکەکانی ئیسرائیل "لە بەرامبەر بەرەنگاربوونەوەی داگیرکاری و پشتیوانییە لە گەلەکەمان لە غەززە، هاوکات وەڵامێکە بۆ ئەو کۆمەڵکوژیانەی کە کیانی زایۆنیستی بەرامبەر بە هاووڵاتیانی سڤیلی فەڵەستینی ئەنجامی دەدات."