لیستی مووچەی مانگی ئایاری فەرمانبەران ڕادەستی بەغدا کرا

ئاڤا نیوز

لیستی مووچەی مانگی پێنجی فەرمانبەرانی حکومەتی هەرێمی کوردستان ڕادەستی وەزارەتی دارایی حکومەتی عێراق کرا، بەڵام لیستەکە ناوی پێشمەرگە و هێزە ئەمنییەکانی تێدا نییە.

لێدوانی فەرمی: وەزارەتی دارایی حکومەتی هەرێمی کوردستان ڕایگەیاند: لیستی مووچەی مانگی ئایاری فەرمانبەران و مووچەخۆرانی هەرێمی کوردستان ڕادەستی وەزارەتی دارایی حکومەتی فیدراڵی کرا و چاوەڕێی بەغداین.

ئەوەی پێویستە بیزانیت: دوێنێ دووشەممە، ئاڤا میدیا بڵاویکردەوە کە ئەمڕۆ سێشەممە لیستەکە ڕادەستی حکومەتی عێراق دەکرێت و سەرجەم رێکارەکان لە هەرێمی کوردستانەوە تەواو بووە.

زانیاریی زیاتر: لە خشتەی بودجەی 2024 پشکی هەرێمی کوردستان زیاتر دەبێت لە %12.67 و مووچەی مووچەخۆران لە بودجەی گشتی جیا کراوەتەوە.

زانیاریی بەدەستهاتوو: بە گوتەی سەرچاوەیەک لە وەزارەتی دارایی و ئابووری هەرێمی کوردستان، لیستەکە ناوی هێزەکانی پێشمەرگە و هێزە ئەمنییەکانی تێدا نییە.