لە ماوەی شەش ساڵدا نزیکەی 800 هەزار دار و گوڵ لە هەولێر چێنراون

ئاڤا نیوز

 

لە سنووری سەرۆکایەتیی شارەوانیی هەولێر، لە ساڵی 2019 تاوەکو ئێستا نزیکەی 800 هەزار دار و گوڵ لە نزیکەی 100 شوێنی هەولێر چێنراون.

 

وێنە گەورەکە: کابینەی نۆیەم گرینگی بە سەوزکردن و زیادکردنی ڕێژەی سەوزایی لە شارەکانی هەرێمی کوردستان دەدات وەک هەنگاوێک بۆ ڕووبەڕووبوونەوەی گۆڕانکارییەکانی کەشوهەوا.

 

لێدوانی فەرمی: سەروەر وەیسی، لێپرسراوی بەشی ڕاگەیاندنی ئەندازەی پاڕکەکانی هەولێر بە ئاڤا نیوزی گوت: لەماوەی ساڵانی 2019 تاوەکو سەرەتای مانگی پێنجی ئەمساڵ، 760 هەزار و 506 دار و گوڵ لە 93 شوێنی سنووری پارێزگای هەولێر چێنراون".

ژمارەکان وادەڵێن: 760 هەزار و 506 دار و گوڵ بەم شێوەیە بەسەر ساڵەکاندا دابەش دەبن:

- 2019: 140,000 دار و گوڵ
- 2020: 168,300 دار و گوڵ
- 2021: 150,000 دار و گوڵ
- 2022: 124,400 دار و گوڵ
- 2023:  113,748 دار و گوڵ
- 2024: 64,058 دار و گوڵ