لە 55٪ی خاكی عێراق مەترسیی بە بیابانبوونی لەسەرە

ئاڤا نیوز 

عێراق زۆرترین مەترسیی بە بیابانبوونی لەسەرە، ڕێکخراوێکی مافی مرۆڤ دەڵێت، 15٪ خاکی عێراق بە بیابان بووە و لە هەمان کاتدا 55٪ی خاکەکەی مەترسیی بە بیابانبوونی لەسەرە.

وێنە گەورەکە: نەتەوەیەکگرتووەکان ڕۆژی 17ی حوزەیرانی هەموو ساڵێکی بە ڕۆژی ڕووبەڕووبوونەوەی دیاردەی بە بیابانبوون و وشکەساڵی لە سەرتاسەری جیهان دیاریکردووە، عێراق یەکێکە لەو وڵاتانەی زۆرترین مەترسیی بە بیابانبوونی لەسەرە.

لێداوانی فەرمی: فازڵ غەرراوی، سەرۆکی سەنتەری ستراتیژی بۆ مافەکانی مرۆڤ لە عێراق بە ئاڤا نیوزی گوت: " 27 ملیۆن دۆنم خاکی عێراق بە بیابان بووە کە دەکاتە 15٪ ڕووبەری خاکی عێراق، لە هەمان کاتدا 55٪ خاکی عێراق مەترسیی بە بیانبوونی لەسەرە".

 
هۆکارە زانراوەکان: هۆکاری سروشتی و مرۆیی هەن دەبنە هۆی بیابانبوون لە عێراق، وەکو کەش وهەوای وشک و گەرم، کەمی بارانبارین،  گۆڕانی کەشوهەوا، پیسبوون بەهۆی نەوت. فازڵ غەرراوی ئەوەشی گوت.

ئەوەی پێویستە بیزانیت: زەرەرمەندترین پارێزگا لە دیاردەی بە بیابانبوون لە عێراق پارێزگای زیقارە بە ڕێژەی 53٪.