بەهای دراوی بیتکۆین بۆ کەمتر لە 55 هەزار دۆلار دابەزی

ئاڤا نیوز

 

بەپێی داتاکانی پێگەی Binance، بەهای بیتکۆین لە کاتژمێر 07:15ـی بەیانی ڕۆژی هەینی دابەزی بۆ 54 هەزار و 922 دۆلار، کە ئەمە یەکەمجارە ئەو دابەزینە بەخۆیەوە ببینێت لەوەتەی مانگی شوباتی ئەمساڵ.

 

بۆچی گرنگە: بیتکۆین دراوێکی ئەلیکترۆنی خاوەن کۆدە و لە ڕێگەی بەرنامەیەکی ئەلیکترۆنی و مامەڵەی پێوەدەکرێت و خەڵکانێکی زۆر لە سەرتاسەری جیهان مامەڵە بەو دراوە ئەلیکترۆنییە دەکەن.

 

ئەوەی پێویستە بیزانیت: لە 28ـی شوباتی ئەمساڵ بەهای بیتکۆین زیاتر لە 3 هەزار و 700 دۆلار بەرزبووەوە و گەیشتە 60 هەزار و 500 دۆلار، کە ئەمە بەرزترین ئاستی بەهای بیتکۆین بوو لە مانگی 12ـی 2021ـەوە. 

 

ئەمەش بزانە: لە 8-3-2024 بەهای دراوی بیتکۆین ئاستێکی پێوانەیی لە مێژووی خۆیدا تۆمار کرد و گەیشتە سەروو 70 هەزار دۆلار.