لە بەندەرە ئاوییەکانی ئاسیا زەنگی مەترسی لێدەرێت

ئاڤا نیوز

ترافیکی بازرگانی لە بەندەرە ئاوییەکانی ئاسیا گەیشتووەتە بەرزترین ئاست لە 20 مانگی ڕابردوودا، تەنها لە دوو هەفتەی ڕابردووشدا بازرگانی ناوچەکە 7% کەمی کردووە. 

وێنە گەورەکە: نائارامی دەریای سوور و سستبوونی بازرگانی لە کەناڵی سوێز بووەتە هۆی قەرەباڵخی و نۆرەی زۆری کەشتییەکان بۆ بارکردن، ئەمەش تێچووی کارگۆکردن و گواستنەوەی بەرزکردووەتەوە، بەتایبەت ترافیکی کەشتییەکان لە بەندەرەکانی شەنگەهای و سەنگاپوورە.

کاریگەری و لێکەوتەکان: کێشەکە ترس و نیگەرانی وڵاتانی ناوچەکە و ئەوروپای بەدوای خۆیدا هێناوە، بەتایبەت بەندەرەکانی هامبۆرگ، ڕۆتێردام، فێلیکستۆی و برێنمێ لە ئەوروپا.

هۆکارە زانراوەکان: ڕێگریکردن و هێرشی حوسییەکان بۆ سەر کەشتییە بازرگانییەکان لە دەریای سوور هۆکاری سەرەکییە بۆ ئەم قەیرانە، کە دوای کۆرۆنا بە گەورەترین مەترسی لەسەر بازرگانی جیهانی دادەنرێت.

ئەوەی پێویستە بیزانیت: دەریای سوور نزیکەی 13%ی قەبارەی بازرگانیی جیهانی، 25%ی گواستنەوەی ئاوی، 10%ی گواستنەوەی نەوتی دەریایی و 8%ی گواستنەوەی گازی شل لەخۆدەگرێت و، ڕۆڵێکی گرنگی هەیە لە بازرگانی و ئاڵوگۆڕی جیهانیدا.