یەكێتی ئەوروپا داوای ئاگربەستی بەپەلە لە غەززە دەكات

ئاڤا نیوز

یەکێتی ئەوروپا ڕۆژی پێنجشەممە داوای ئاگربەستێکی مرۆیی "بەپەلە"ی لە غەززە كرد، بۆ ئەوەی ڕێگە بدرێت هەموو منداڵانی کەرتی غەززە کوتانی دژە ئیفلیجی منداڵانیان بۆ بكرێت.

وێنە گەورەكە: چەند مانگێکە نەتەوە یەکگرتووەکان و ڕێکخراوە فریاگوزارییەکان نیگەرانی خۆیان لە دۆخی تەندروستی کەرتی غەززە دەربڕیوە، کە ئاوی خراپ، ڕووخانی داروپەردوو، زبڵ، گەرمای ماندووكەری هاوین، تێکەڵبوون و زیانی گەورەی بە خەڵك گەیاندووە.

لێدوانی فەرمی: جۆزێڤ بۆرێل، بەرپرسی سیاسەتی دەرەوەی یەکێتی ئەوروپا ڕایگەیاند: "جێگەی نیگەرانییە کە ئیفلیجی منداڵان دۆزراوەتەوە و یەکەم حاڵەتی پشتڕاستکراوە تۆمارکراوە،دەبێت بەپەلە ڕێگە بدرێت منداڵان لە غەززە بكوترێن.

زانیاريی بەدەستهاتوو: ئێستا لە عەززە، 27هەزار چاودێری سەرجەم ڕێكخراوە تەندروستییەكان هەیە و پێویستە 640 هەزار منداڵ لە كەرتەكە كوتانی دژە ئیفلیجییان بۆ بكرێت.

ئەمەش بزانە: دەركەوتنی ئەو حاڵەتەی ئیفلیجی منداڵان لە كەرتی غەززە لە كاتێدایە 25 ساڵە هیچ حاڵەتێكی تووشبوون بە ئیفلیجی منداڵان لە كەرتی غەززە تۆمار نەكراوە.

باكگراوند: ژمارەی دانیشتووانی غەززە نزیکەی دوو ملیۆن و 400 هەزار کەسە و زۆربەیان ئاوارەن و نیوەیان منداڵن. ئەمەش بەپێی ئامارەکانی نەتەوە یەکگرتووەکان.