ئەمریکا بە بەهای 425 ملیۆن دۆلار هاوکاریی سەربازیی بۆ ئۆکراینا دەنێرێت

ئاڤا نیوز

 

جۆ بایدن، سەرۆکی ئەمریکا پێش سەردانەکەی بۆ ئەوروپا بڕیاریدا بە ڕەوانەکردنی هاوکاریی سەربازیی بۆ ئۆکراینا بە بەهای 425 ملیۆن دۆلار. 

 

وێنە گەورەکە: لە سەرەتای شەڕی ئۆکراینا و ڕووسیا، ئەمریکا بە بەردەوام یارمەتی سەربازیی و دارایی بۆ ئۆکراینا دەنێرێت و تاوەکو ئێستاش نزیکەی  64 ملیار دۆلاری بۆ کیێڤ ناردووە. 

 

ڕاگەیێندراوی فەرمی: بەپێی ڕاگەیێندراوی کۆشکی سپی: "جۆ بایدن پێش سەردانەکەی بۆ ئەوروپا و کۆبوونەوە لەگەڵ سەرکردەکانی ئەوروپا، بڕیاریدا بە ناردنی هاوکاریی سەربازیی بۆ ئۆکراینا بە بری 425 ملیۆن دۆلار".

 

زانیاریی زیاتر: بایدن پێشتر بەڵێنی بە ڤلۆدیمێر زێلینسکی، سەرۆکی ئۆکراینا دابوو ئەو یارمەتییە سەربازییانە کە پێکدێن لە: سیستەمی بەرگریی ئاسمانیی، ئۆتۆمۆبێلی سەربازیی و تەقەمەنی پێویست بۆ ئۆکراینا بنێرێت.