بە گوژمەی سەدان ملیۆن دۆلار کاڵا لە ئەمریکاوە هاوردە دەکرێت

ئاڤا نیوز 

 

ساڵانە بە گوژمەی سەدان ملیۆن دۆلار کاڵا و شتومەک لە ئەمریکاوە هاوردەی هەرێمی کوردستان دەکرێت، هاوکات تا دێت ڕێژەکە ڕوو لە هەڵکشانە. 

 

وێنە گەورەکە: جگە لە هاوردەکردنی ئۆتۆمبێل، کاڵا و شتومەک لە ئەمریکاوە بە گوژمەی سەدان ملیۆن دۆلار، چوار پرۆژەی وەبەرهێنانی ئەمریکی لە هەرێمی کوردستان هەیە کە سەرمایەکەیان زیاترە لە 120 ملیۆن دۆلار.

 

لێدوانی فەرمی: نەوزاد شێخ کامیل، بەڕێوەبەری گشتی بازرگانی و پیشەسازی هەرێمی کوردستان بە ئاڤا نیوزی ڕاگەیاند: زیاتر لە 10 کۆمپانیای ئەمریکی کاری بازرگانی لە هەرێمی کوردستان دەکەن، هاوکات بازرگانانی هەرێمی کوردستان ساڵانە بە سەدان ملیۆن دۆلار، ئۆتۆمبێل، کاڵا و شتومەکی دیکە لە ئەمریکاوە هاوردە دەکەن و تا دێت ڕێژەکەش ڕوو لە هەڵکشانە.

 

ئەمەش بزانە: ڕۆژی یەکشەممە 17-11-2024, سەرۆکوەزیران مەسرور بارزانی و دەیڤد تافوری، سەرۆکی ئەنجوومەنی بازرگانیی ئەمەریکا -کوردستان لە هەولێر کۆبوونەوە و کۆمەڵێک پرسیان تاوتوێ کرد، کارئاسانیکردن بۆ وەبەرهێنان بەشێک بوو لە گفتوگۆکان.