کۆمکاری عەرەبی: پێویستە ڕێز لە یەکگرتوویی و سەروەری و ئاسایشی خاکی سووریا بگیرێت

ئاڤا نیوز

 

کۆمکاری عەرەبی هەڵوێستی خۆی لە بەرامبەر پێشهاتەکانی سووریا دەربڕی و لە بەیاننامەیەکدا داوایکرد، ڕێز لە یەکگرتوویی و سەروەری و ئاسایشی خاکی سووریا بگیرێت.

 

وێنە گەورەکە: لە هەفتەی ڕابردوو گرووپە چەکدارەکانی ئۆپۆزسیۆنی سووریا، لە چەند ناوچەیەک هێرشیان کردە سەر سوپای سووریا و توانیان چەند شارێک کۆنترۆڵ بکەن، کۆمکاری عەرەبیش کە سووریا ئەندامە تیایدا نیگەرانی خۆی لەبەرامبەر سەرهەڵدانەوەی شەڕ و پێکدادان لەو وڵاتە دەربڕی.

 

ڕاگەیێنراوی فەرمی: کۆمکارەکە لە بەیاننامەیەکدا ڕایگەیاند: بە نیگەرانییەوە چاودێریی پێشهاتەکانی سووریا دەکەین و دووپاتی دەکەینەوە پێویستە ڕێز لە یەکگرتوویی و سەروەری و ئاسایشی خاکی سووریا بگیرێت.

 

هەروەها ئەحمەد ئەبوئەلغێت، ئەمینداری گشتی کۆمکاری عەرەبیی، نیگەرانی خۆی لە بەرامبەر ئەو پێشهاتانەی لە ڕۆژانی ڕابردوو لە سووریا هاتوونەتە ئاراوە دەربڕی کە پێیوایە کاریگەریی لەسەر خەڵکی سڤیل دروستکردووە و مەترسی سەرهەڵدانەوەی چالاکیی گرووپە توندڕەوەکان هەیە.

 

زانیاریی زیاتر:. ڕێخراوەکە جارێکی دیکە پابەندی خۆی بە هەموو هەڵوێستە سیاسییە نەگۆڕەکانی خۆی دووپات کردەوە سەبارەت بە سووریا.