ئیسرائیل لە چەند کاتژمێری ڕابردوو زیاتر لە 60 بۆردومانی لە سووریا ئەنجامداوە

ئاڤا نیوز

 

لە ماوەی چەند کاتژمێری ڕابردوودا، فڕۆکە جەنگییەکانی ئیسرائیل زیاتر لە 60 جار چەندین ناوچەی جیاوازیان لە سووریا بۆردومان کردووە.

 

وێنە گەورەكە: لە دوای کەوتنی دەسەڵاتی بەشار ئەسەدەوە، ئیسرائیل 446 ئۆپراسیۆنی ئاسمانی لە 13 پارێزگای سووریا ئەنجامداوە، ئەوەش بەبیانووی پاراستنی سنوورەكانی و بە ئامانجگرتنی گرووپە تیرۆریستییەکان لەلایەکی دیکەوە.

 

ڕاگەیێنراوی فەرمی: ڕوانگەی سووری بۆ مافەكانی مرۆڤ بڵاویكردووەتەوە، فڕۆكەكانی ئیسرائیل ناوچەكانی دەورووبەری دیمەشق، حەما و حومس بۆردومان دەكەن، لەو چوارچێوەیەدا سێ کۆگای چەک و تەقەمەنی لیوای 18 لە ڕۆژهەڵاتی شاری حمس و لیوای 55 لە دەورووبەری شاری دیمەشق بە ئامانج گیراوە.

 

زانیاریی بەدەستهاتوو: بەگوێرەی زانیارییەکانی ڕوانگەی سووری بەهۆی بۆردومانەكانی ئەمشەوی فڕۆكەكانی ئیسرائیل، جیا لە زیانە ماددییەکان زیانی گیانیشی هەبووە.