بەکارهێنەرانی ئەپڵ 95 ملیۆن دۆلار قەرەبوو دەکرێنەوە

ئاڤا نیوز

بەهۆی سکاڵایەک کە پێنج ساڵ لەمەوبەر لەسەر ئەپڵ تۆمار کراوە، کۆمپانیاکە ناچار دەبێت 95  ملیۆن دۆلار وەک قەرەبوو بداتە بەکارهێنەرانی ئامێرەکانی.

 

زانیاریی بەدەستهاتوو: ڕۆژی 4-1-2025، کۆمپانیای ئەپڵ ڕەزامەندی دەربڕی بە پێدانی 95 ملیۆن دۆلار بۆ یەکلاییکردنەوەی داوایەکی یاسایی کە تیایدا یاریدەدەری دیجیتاڵی (سیری) تۆمەتبار کرابوو بە گوێگرتن لە گفتوگۆ تایبەتەکانی بەکارهێنەرانی ئایفۆن.

 

ئەوەی پێویستە بیزانیت: ئەگەر یەکلاییکردنەوەکە پەسەند بکرێت، ئەوا ملیۆنان بەکارهێنەر کە لە 17ـی ئەیلوولی 2014، تا کۆتایی ساڵی ڕابردوو کە بەکارهێنەری ئایفۆن یان ئامێرەکانی دیکەی ئەپڵ بوون، مافی ئەوەیان دەبێت داواکاری پێشکەش بکەن و  هەر بەکاربەرێک دەتوانێت 20 دۆلار وەربگرێت.

 

بۆچی گرنگە: کۆمپانیای ئەپڵ بە پێدانی 95 ملیۆن دۆلار بۆ یەکلاییکردنەوەی سکاڵاکە بڕە پارەیەکی زۆری بۆ دەگەڕێتەوە، چونکە ئەگەر دۆسیەکە بچووبایە دادگا و ئەپڵ بە تاوانی پێشێلکردنی گوێگرتن لە مۆبایل و یاساکانی دیکە پاراستنی نهێنی تاوانبار بکرایە، دەکرا تا یەک ملیار و نیو دۆلار سزا بدرێت.