سیسی بانگهێشتی ئەحمەد شەرع بۆ میسر دەکات

 

ئاڤا نیوز

سەرۆککۆماری میسر بە فەرمی بانگهێشتی سەرۆکی سووریا بۆ قۆناغی ڕاگوزەر دەکات بە مەبەستی بەشداریکردن لە کۆبوونەوەی خێرای ئەنجوومەنی کۆمکاری وڵاتانی عەرەبی لە میسر.

چیرۆکی سەرەکی: بڕیاربوو لوتکەی بەپەلەی عەرەبی لە 27ـی ئەم مانگە لە قاهیرەی پایتەختی میسر بەڕێوەبچێت، بەڵام بەهۆی ڕەچاوکردنی  خشتەی کاری سەرکردەکان دواخرا بۆ چواری مانگی داهاتوو بۆ ئەوەی زۆرترین سەرکردەی وڵاتان بەشداربن بۆ تاوتوێ کردنی پرسی فەڵەستین.

بڵاوکراوەی فەرمی: میدیای فەرمی سووریا ڕایگەیاند: ئەحمەد شەرع، سەرۆککۆماری سووریا بۆ قۆناغی ڕاگوزەر بانگهێشتنامەیەکی فەرمی لەلایەن عەبدولفەتاح سیسی، سەرۆککۆماری میسر پێگەیشت.

زانیاریی زیاتر: بانگهێشتنامەکە بۆ بەشداریکردنە لە کۆبوونەوەی بەپەلەی ئەنجوومەنی کۆمکاری وڵاتانی عەرەبی کە بڕیارە 2025-03-04، لە قاهیرەی پایتەختی وڵاتی میسر بەڕێوەبچێت.