کۆشکی سپی: نامانەوێت مەودای ململانێکان لە ناوچەکەدا فراوانتر ببێت

ئاڤا نیوز

کۆشکی سپی  ڕایگەیاند، نایانەوێت ململانێکانی ناوچەکە فراوانتر ببن و بە ئێرانیشیان گوتووە  "دەستمان نەبووە لە هێرشەکەی ئیسرائیل بۆ سەر باڵیۆزخانەکەتان لە دیمەشق".

ڕاگەیێنراوی فەرمی: کۆشکی سپی ڕایگەیاند: ئێرانمان ئاگادار کردەوە کە واشنتۆن دەستی نییە لە بەئامانجگرتنی باڵیۆزخانەکەی لە دیمەشق، ئێمە نامانەوێت مەودای ململانێکان لە ناوچەکەدا فراوانتر بێت".

وێنە گەورەکە: لە ماوەی یەک هەفتەدا لەسەر ئاستی باڵا هەریەکە لە ئەمریکا و ئیسڕائیل و ئیران بەتووندی لێدوان دژی یەکتر دەدەن، ئێران دەڵێت تۆڵەیەکی بەزەبر دەکەینەوە و ئیسڕائیلیش دەڵێت، بەتووندی وەڵام دەدەینەوە و ئەمریکاش دەڵێت پشتیوانی ئیسڕائیل دەکەین.

باکگراوند: دووشەممەی ڕابردوو، ئیسرائیل باڵیۆزخانەی ئێرانی لە دیمەشقی پایتەختی سووریا بۆردوومان کرد، بەهۆیەوە حەوت فەرماندە و دیپلۆماتکاری ئێران کوژران.