لە 18 ڕۆژدا 25 کورد لە ئێران لە سێدارە دراون

ئاڤا نیوز

بەپێی ئامارێکی یەکێک لە ڕێکخراوەکانی مافی مرۆڤ، لە ماوەی 18 ڕۆژدا لانیکەم سزای لە سێدارەدانی 25 بەندکراوی کورد لە ئێران جێبەجێ کراوە.

ڕاپۆرتی فەرمی: بەپێی ئاماری ڕێکخراوی هەنگاو بۆ مافەکانی مرۆڤ، لە ماوەی 18 ڕۆژی ڕابردووی ئەم مانگەدا، بەلایەنی کەمەوە 25 هاووڵاتیی کورد لە بەندیخانە جیاوازەکانی ئێران لەسێدارەدراون، بەمەش لە سەرەتای ساڵی 2024ـەوە و تا ئێستا ژمارەی لەسێدارەدراون گەیشتووەتە 72 کەس.

زانیاریی زیاتر: ئەو هاووڵاتییە کوردانە بە تۆمەتی جیاواز دەستگیرکراون و سزای سێدارەیان بەسەردا سەپێنرابوو، لە زیندانەکانی ناوەندیی ئورمیە، کەرەج، کرماشان، ئیلام، سەڵماس، میاندواو، شیراز و ئیسفەهان سزایەکانیان جێبەجێکراوە.

ئەوەی پێویستە بیزانیت: لە سەرەتای ئەمساڵەوە لە تەواوی ئێران 233 کەس لە نەتەوە جیاوازەکان لەسێدارە دراون.

کاریگەری و لێکەوتەکانی: بەردەوامیی پرۆسەی لە سێدارەدان لە ئێران نەتەوەیەکگرتووەکانی بەتەواوی نیگەران کردووە، داوا دەکرێت هەرچی زووە دەسەڵاتدارانی ئەو وڵاتە لەسێدارەدانەکان ڕابگرن.