لە هێرشێکی ئیسرائیل بۆ سەر قوتابخانەیەک دەیان کەس کوژران

ئاڤا نیوز

سوپای ئیسرائیل قوتابخانەیەکی سەر بە نەتەوە یەکگرتووەکان لە ناوەڕاستی غەززە، دەکاتە ئامانج کە پەناگەی سەدان ئاوارەی فەڵەستینییە، بە هۆیەوە دەیان کەس كوژران. 

چیرۆکی سەرەکی: فڕۆکەیەکی سوپای ئیسرائیل بە دوو مووشەک پۆلەکانی خوێندن لە نهۆمی سەرەوەی قوتابخانەکە دەکاتە ئامانج. بە هۆی هێرشەکەوە پۆلەکان دەڕووخێن و دەیان کوژراو و برینداری لێدەکەوێتەوە. 

ئەوەی لەو بارەیەوە دەگوترێت: سوپای ئیسرائیل ڕایگەیاندووە قوتابخانەکە بارەگای حەماس بووە و بە هۆی هێرشەکەیەوە 20 تا 30 چەکداری حەماسی کوشتووە. حەماس ڕەتیکردووەتەوە و ڕایگەیاندووە ئیسرائیل "کۆمەڵکوژییەکی ترسناکی" کردووە.

 
زانیاریی زیاتر: ئامارە سەرەتاییەکان سەبارەت بە قوربانییەکان جیاوازن؛ بە گوێرەی سەرچاوە تەندرووستییەکان لانیکەم 40 کەس، لە ناویاندا 14 منداڵ و 9 ژن، کوژراون.

وێنە گەورەكە: لە حەوتی ئۆكتۆبەری ساڵی ڕابردووەوە شەڕ لەنێوان ئیسرائیل و حەماس لە غەززە بەردەوامە، جگە لە وێرانبوونی شارەكە، زیاتر لە 35 هەزار فەڵەستینی كوژراون.