بەهای 100 دۆلار 150 هەزار دیناری تێپەڕاند

ئاڤا نیوز

بەهای دینار بەرامبەر دۆلار دابەزی و جارێکی دیکە 100 دۆلار گەیشتەوە سەروی 150 هەزار دینار . 

 

ئەوەی ئێستا ڕوودەدات: کاتژمێر 4:40 خولەکی ئێوارەی ئەمڕۆ دووشەممە نرخی فرۆشتنی 100 دۆلاری ئەمریکی لە بازاڕەکانی کوردستان گەیشتە 150 هەزار و 300 دینار، هاوکات نرخی کڕینی هەر 100 دۆلارێک چەند سەد دینارێک کەمترە.

 

هۆکارە زانراوەکان: پێشتر ئاڤا نیوز ئاشکرای کرد دابەزینی بەهای دینار بەرامبەر بە دۆلار چەند هۆکارێکی هەیە:

- سزادانی 197 کۆمپانیا لەلایەن بانکی ناوەندی کە دۆلاریان بە 132 هەزار دینار پێنادات، بۆیە ناچارن بۆ کڕینی دۆلار ڕوو لە بازاڕەکان بکەن، بەمەش خواست لەسەر دۆلار زیاد دەکات.

- ناردنی حەواڵەکان بۆ چین بەهۆی ڕێوشوێنەکانەوە درەنگ دەکەوێت. 

- بانکی ناوەندی لە ساڵی ڕابردووەوە ڕایگەیاندبوو بەشێک لە بازرگانییە نێودەوڵەتییەکان لە بری دۆلار بە دراوی دیکە بکرێن، بەڵام تاوەکو ئێستا لەو هەنگاوە سەرکەوتوو نەبووە.  

- مەترسی پەلکێشکردنی گرووپە چەکدارەکانی عێراق بۆ نێو شەڕی فەڵەستین و لوبنان بەرامبەر ئیسرائیل، یاخود شەڕەکە لە ناوچەکە فراوانتر بێت.