لە بەریتانیا قەدەغەکردنی جگەرەکێشان دەستیپێکرد

ئاڤا نیوز


لەمەودوا هەر کەسێک لە 1-1-2009 یان دوای ئەوە لەدایک بووبێت، لە بەریتانیا ناتوانێت بەشێوەیەکی یاسایی تووتن بکڕێت.

وێنە گەورەکە: لە بەریتانیا حکومەت قەدەغەکردنی نوێی جگەرەکێشان دەخاتە بواری جێبەجێکردنەوە. بڕیارەکە سەرەتا لەلایەن ڕیشی سووناک، سەرۆکوەزیرانی پێشوو دەرکرا و کیر ستارمەر، سەرۆکوەزیرانی نوێ خستییە بواری جێبەجێکردنەوە و بەڵێنی دا بیکات بە یاسا.

ناوەڕۆکی بڕیارەکە: هەر کەسێک لە بەرواری 1-1-2009 و دوای ئەوە لە دایک بووبێت ناتوانێت تووتن بکڕێت. هەروەها کڕینی ڤەیپ و جۆرەکانی تری جگەرەی ئەلیکترۆنی بۆ ئەو تەمەنە سنووردار دەکرێت.

کاریگەرییە ئەرێنییەکان: ئەگەر ئەم یاسایە تاوەکو ساڵی 2027 جێبەجێ بکرێت، ئەوا  هەموو ئەوانەی تەمەنیان سەرووی 14 ساڵە، نەوەیەکی دوور لە جگەرەکێشان دەبن. 

باکگراوند:  لەسەر پێشنیازی ڕیشی سووناک، لە مانگی نیسانی ڕابردوودا 383 پەرلەمانتار دەنگیان بە پڕۆژە یاساکە دا، بەڵام هەڵوەشایەوە، چونکە پێش ئەوەی بتوانێت لە پەرلەماندا بڕیاری لەسەر بدرێت، هەڵبژاردنی گشتی کرا.