ئیسرائیل: نەماتوانی لە غەززە سیخوڕ بە کرێ بگرین

ئاڤا نیوز

ڕاپۆرتی لێکۆڵینەوەکانی ئاژانسی ئاسایشی ئیسرائیل (شاباک یان شین بێت) سەبارەت بە ڕووداوەکەی 7ـی ئۆکتۆبەری 2023 بڵاوبوویەوە.

 

زانیاریی زیاتر: ڕاپۆرتەکە دان بەوەدا دەنێت کە نەیانتوانیوە پێشبینی هێرشەکە بکەن و ڕێی لێ بگرن و لەوەدا شکستیان هێناوە.

 

ئەوەی پێویستە بیزانیت: لە بەشێکیدا هاتووە کە دامەزراوە هەواڵگرییەکانی ئیسرائیل نەیانتوانیوە لە کەرتی غەززە خەڵک وەک سیخوڕ و بە کرێگرتە بە کرێ بگرن تاوەکو سەبارەت بە حەماس زانیاریی بە ئیسرائیل بدەن.

لەلایەکی دیکە: لە بەشێکی دیکەی ڕاپۆرتەکەدا هاتووە سیاسەتیی بێدەنگیی ئیسرائیل بووە هۆی ئەوەی حەماس بتوانێت هێزێکی گەورە پێکەوە بنێت و هێرش بکاتە سەر ئیسرائیل.

کاریگەری و لێکەوتەکان: شاباک دەڵێت، پێشێلکارییەکانی ئیسرائیل بەرامبەر بە قودس و هەروەها خراپی مامەڵەی ئیسرائیل لەگەڵ زیندانییە فەلەستینییەکان پاڵی بە حەماسەوە نا تاوەکو هێرشی 7ـی ئۆکتۆبەر ئەنجام بدات.