نێردەی ترەمپ بۆ ڕۆژهەڵاتی ناوەڕاست پەیامێک ئاراستەی حەماس دەکات

ئاڤا نیوز
   

ئەمریکا پلانێکی بۆ درێژکردنەوەی ئاگربەست لە کەرتی غەززە هەیە، نێردەی ترەمپ بۆ ڕۆژهەڵاتی ناوەڕاست سەبارەت بەم پلانە هۆشداری بە بزووتنەوەی حەماس دەدات کە بارمتەکان ئازاد بکەن، ئەگەر نا بە تووندی وەڵامی دەدرێتەوە.

وێنە گەورەکە: دوای پێشنیازەکەی ئەمریکا بۆ حەماس کە تیایدا داوای درێژکردنەوەی ئاگربەستی لە غەززە کردووە تا دوای مانگی ڕەمەزان، دوای ئەم وادەیەش ئەمریکا پلانی هەیە ڕاستەوخۆ دانووستاندن بکات بۆ هێنانەدی ئاگربەستێکی هەمیشەیی لە غەززە لەنێوان ئیسرائیل و حەماسدا.

لێدوانی فەرمی: ستیڤ ویتکۆف، نوێنەری دۆناڵد ترەمپ سەرۆکی ئەمریکا بۆ ڕۆژهەڵاتی ناوەڕاست ڕایگەیاند، '' ترەمپ بە ڕوونی ئەوەی خستەڕوو کە حەماس یان دەستبەجێ بارمتەکان ئازاد دەکات، یان باجێکی قورس دەدات، حەماس بە باشی ئاگاداری ئەو وادەیە، پێویستە بزانێت کە ئەگەر ئەو وادەیە تێپەڕێت بەو پێیە وەڵامی دەدەینەوە”.

زانیاریی بەدەستهاتوو: قەتەر و میسر کە ئەمریکا لە نزیکەوە کاری لەگەڵدا کردوون، بە حەماسیان وتووە کە پێشنیازەکە پێویستە بەم زووانە جێبەجێ بکرێت و دەبێت دەستبەجێ ئەو ناوانەی کە بە حەماس دراون ئازاد بکرێن.