فێستیڤاڵی کلتووری چیرۆکەکانی موسڵ لە هەولێر بەڕێوە دەچێت

ئاڤا نیوز

ئەمڕۆ 20ی نیسان، لە هەولێر فێستیڤاڵی کولتووری چیرۆکەکانی موسڵ بەڕێوە دەچێت، پڕۆژەكە بۆ ماوەی سێ ساڵە کاری تێدا دەکرێت.

لێدوانی فەرمی: ڕۆزا محەممەد، سەرپەرشتیاری پڕۆگرامی پایا ئەجێنسی بۆ ئاڤانیوز گوتی:"ئەم پڕۆژەیە، وەزارەتی دەرەوەی ئەڵمانیا و ئاڕت پڵەس پشتگیری دەکات. سەرەتا بە زنجیرە ۆرکشۆپێک لە موسڵ و سلێمانی دەستی پێ کرد بۆ شێوازی گێڕانەوەی چیرۆکی زارەکیی گەنجانی شاری موسڵ، پاشان داڕشتنەوەی چیرۆکەکان، دوو بەرهەمی جیاواز و هەشت چیرۆکی گرافیک و شەش ئەنیمەیشنیان لێ بەرهەم هێنرا".

زانیاریی زیاتر: بەشێکی دیکەی پڕۆژەکە، شانۆیی بووکەڵەیە كە لە لایەن هەردوو هونەرمەندی بەریتانی ئەلیسن دادڵو و جۆنی کویک بەرهەم هێنراوە. ئەم دوو هونەرمەندی لەو بوارەدا ڕاهێنان بە فێرخوازان دەكەن.

ئەوەی پێویستە بیزانیت: فێستیڤاڵەکە کە لە مانگی چوار نمایش کرا، سێ بەشی جیاواز لە خۆ دەگرێت کە بڵاوکردنەوەی کتێبی گرافیک نۆبڵ و پێشانگەی فۆتۆگرافیی چیرۆکەکانی موسڵ و نمایشی شانۆیی بووکەڵەیە.