وێستگەی ئەتۆمی چێرنۆبیل تاوەکو ئێستا سەلامەتە

ئاڤا نیوز

 

ڕۆژی هەینی کاربەدەستانی ئۆکراینا ڕایانگەیاند، بەهۆی هێرشی فڕۆکەی بێ فڕۆکەوانەوە زیان بە ڕووکاری دەرەوەی وێستگەی ئەتۆمی چێرنۆبیل کەوتووە، بەڵام تاوەکو ئێستا وێستگەکە هیچ تیشکێکی زیانبەخشی دەرنەکردووە.

 

وێنە گەورەکە: لە 26ی نیسانی 1986دا، جیهان شایەتحاڵی یەکێک لە خراپترین کارەساتەکانی ئەتۆمی بوو لە مێژوودا، ئەویش کارەساتی چێرنۆبیل بوو، بەهۆی ئەو تەقینەوە کارەساتبارەی بەخۆیەوە بینی کە ڕێژەیەکی زۆری ماددەی تیشکدەری ئاراستەی ناو ژینگە کرد. 

ڕاگەیێنراوی فەرمی: کاربەدەستانی ئۆکرانیا ڕایانگەیاند، فڕۆکەیەکی بێفڕۆکەوانی ڕووسی سەرلەبەیانی ڕۆژی هەینی، بەرگی دەرەوەی وێستگەکەی کون کردووە کە بۆ ڕاگرتنی تیشکدان دروستکراوە، بەڵام تاوەکو ئێستا هیچ ئاماژەیەکی تیشکدان لە وێستگەکە تۆمار نەکراوە، دەتوانیت بڵێین 'چێرنۆبیل تاوەکو ئێستا سەلامەتە'.

 

زانیاریی زیاتر: لە دوای دروستبوونی شەڕ لە نێوان ڕووسیا و ئۆکراینا، دەسەڵاتدارانی چەندین جار هۆشدارییان داوە شەڕ لە نزیک وێستگە ئەتۆمییەکانیدا، مەترسی ڕوودانی کارەساتێکی گەورەی هەیە.

 

بۆچوونی لایەنی بەرامبەر: کرێملین ڕەتیکردووەتەوە کە سوپای وڵاتەکەی ناوچە ئەتۆمییەکانی ئۆکرانیا بە ئامانج بگرێت. 

 

گۆشەیەکی دیکەی دیمەنەکە: یەکێتی ئەوروپا ڕایگەیاندووە، هێرشە "بێباکانەکانی ڕووسیا" نیشاندەری ئەوەیە کە ئەو وڵاتە بەدوای ئاشتیدا ناگەڕێت.