لە دهۆک گەورەترین پارک دروست دەکرێت

ئاڤا نیوز

گەورەترین پارکی نیشتمانی بە گوژمەی 135 ملیار دینار لە دهۆک دروست دەکرێت کە هەموو مەرجە گەشتییارییەکانی تێدا دەبێت.

وێنە گەورەکە: لە چوارچێوەی کار و پڕۆژەکانی کابینەی نۆیەمی حکومەتی هەرێمی کوردستان، بە مەبەستی زیاتر خزمەتکردنی هاووڵاتیان، پارکی نیشتمانی لە دهۆک دروست دەکرێت و دەبێتە گەورەترین پارک لەسەر ئاستی پارێزگاکە.

ئەوەی پێویستە بیزانیت: ئەم پارکە لەسەر ڕووبەری یەک ملیۆن و 250 هەزار مەتر دووجا، بەگوژمەی 135 ملیار دینار دروست دەکرێت، کە لە مانگی 10ـی ساڵی ڕابردووەوە دەست بە جێبەجێکردنی پڕۆژەکە کراوە و تاوەکو ئێستا 5%ـی کارەکانی تەواو بووە و دەبێت تاوەکو ساڵی 2028 بخرێتە خزمەت خەڵکی شارەکە.

ئەمەش بزانە: ئەم پارکە دەبێتە پڕۆژەیەکی گرنگی گەشتیاری و کاریگەری بەرچاوی دەبێت لەسەر ژینگەی شارەکە.

زانیاریی زیاتر:  70%ـی پڕۆژەکە لە ئاو و سەوزایی پێکدێت. هەروەها ژمارەیەک لە هۆتێل و مۆتێل، نافورەی ئاو، شوێنی وەرزش و هۆڵی لەشجوانی، پارکی ئۆتۆمبێل و پایسکل و شوێنی یاری منداڵانی تێدا دەبێت.